Windgfällweiher Park, Verrummelung, Altbuur s Troom, de Lebenslohn

Verrummelung durch Waldumbau

Im Corona Summer 2020 hät de Wälderkabaretist Marti Wangler, alias Fidelius Waldvogel, dem Virus en gifizige Straich gspilet. Er hät e Bulldogg- Kabaret an de Südhalde vum Haberjockelshof im Schwärzebach aagsait und uffgführt. Mit sim Eicher Bullodogg und sim Forstwage- Ahänger, Kummedibühni, Vesperstüble und Scharchkannapee i eim, isch er unnne uff de Matte gstande und an de Halde i me Art Amphitheater isch sie Zueschauerbandi entweder uff Strauballe oder uf itne Bulldogg im Abstand vu über 5 m stimmungsvoll versammlet gsii. Es war en warme und en richtig fidele Wälderobet. De Fidelius hät wiedermol s Kälble so richtig renne lau. Wo er aber dene Tönnjes Fleischmafiosi d Zündung mit herte Fakte iihgstellt hät, isch es au mol nochdenklich und bestimmungsvoll wore. Wo ni des glese han, dass mer möglichst mit Bulldogg kumme soll, han i min Unimog, de „Nepomog“ wieder mol badet und und eweng bürschtelet. Wa de Fidelius kahn, des mit sim uusbaute Forstmobil- Wohnwage, des kann ich au. Also han den alte Sau- Ahänger no schnell zu me Henne- Wohnmobil um- und uusbaut. Des gschmiedet Aug a de Frontwand, a dem die Schlachtsaue zum Metzger gfiehrt wore sind, wo die quickende Sühli mit em Kälberstrick aabunde waret, des han i draa lau. Wiedermol bestätigt sich der Satz vum Christopher Clark, dass mer derlei „Artefakt“ uuglaublich vill ablausche khan. I dem Fall Saueschicksal und Instinkt- Drame. Wer weiss ob i den Karre nomol bruuch, wenn mer amend wieder mol Huusschlachte därf ?

Paar Woche später han ich wiedermol bim Lese vu de Badische, ohne dass i Fliegepilz gfresse han, so e richtige nordische Berserkerwuet kriegt. Nit dass ich au scho paar mol so e Kischte, e kleis Wohnmobil aagmietet het, zum d Olympiade z Lillehammer, Nordische Ski- Weltmeisterschafte, e Schottland- Irland- Island und Portugalreis gmacht het und für so Reise des au ganz aagmesse find. Aber wan i do über de Windgfällweiher lese han miesse hät mer Zündung ghörig verstellt. Es isch mer jedesmol en Graus, wenn i im Vorbeifahre z Hifinge am Wohnmobilstellplatz sieh, wie dä uff em Pflasterplatz die Wieber und Manne i ihrne Faltsessel mit dene Bierdose- Flasche- Chips- und Nissli- Mulde hucke sieh und d Zieht totschlah sieh. Konn Schritt is Städtli, kon Spaziergang as Römerbad, kon Bsuech im Caffe Süesse Winkel oder gar e Esse im Frank. Wenns hoch kunnt word de Smart usem Ahhänger- Trailer, die beide Harley vum Motorradhänger oder 2 Motorinis us de Unterflurgarage vum Wohnmobilbolle uussiglau. No gohts zum gscharrig poschte im Aldi, Lidl oder Netto. Nit emol des Honda – Aggregätli stellt mer ab, dass de Fernsehgrossbildschirm s oefältig Mittagsprogramm vu Pro7, RTL, Vox oder Servus TV uffnähme khaa. Me könnt jo ebbis verpasse.

Für den Hype, wie mer dere überzogene Modi sait, 500 000 Diesel- Wohnmobilkischte sind alloenig im Dietsche zueglau. Do schwätz konn vu Feinstaub, die fahret jo i de Natur ummenand. S Bescht isch aber; die stond fascht s ganz Johr leer. Wohnunge wered verkauft, Lebensversicherunge verdummbeiltlet. Dass en Kauf betriebswirstchaftlich grechnet wochenlang e Ferienwohnung, e Gasthuus oder e Hotel ermögliche dät, word de Grosse Freiheit gopferet. Die stond leer, s Aagebot schrumpft und Gastronomie verarmt.

Dem Hype will mer jetzt helfe. Wie de Hype mit Traumschiff und de Ferieflieger landet, dess woess mer zwischezeitlich. Uff em Schrott. Aber Borgemäeschter und Gmondrät kamer so Lokvogel- Aagebot immer guet verkaufe. Frog isch nuu, wer zahlt der Preis und wer hät ebbis devu.

De Preis zahlt die wietere Verrummelung am Windgfällweiher, d Natur, Flora , d Fauna, s Verkehrsuffkumme, D Lanschaftsvesrchandelung und Versiegelung. De Müll, de Abfall und au d `Kläralag wege dem bleede Chemoklo- Abwasser.

Es isch en Trugschluss zum glaube, dass de Skizirkus, d Gastronomie, d Caffee, die Freizeitaalage, die Höfkäserei, de Hof- Buurelade, oder de sanfte Tourismus vu dere Ü 70 Klientel ebbis hät.

Profitiere duet zerscht mol die FF- Forstverwaltung die jetzt de Wald zu Waldfriedhöf, Waldhundefriedhöf, Truppeübungsplätz jetzt au no Motorhome- Stellplätz umbaut.

Usserdem die exclusiv- hochpreisige Wohnmobilhersteller, d` KFZ Versicherungsgsellschafte und KFZ Steuerstelle, d` Zubehörlieferante und den Lieferante vu dene mitgschloepfte Poser Fahrzeug und die Discounter In Schwarzwald kunnt und bliebt so guet wie koe Geld. Wertschöpfung kehrt sich um i Wertvernichtung uff Koschte vu unsere Schwarzwaldhoemet. Portugiese honds des Johr klar gsait: „ Mir wend euch nit und scho gar nit euer Corona“. Und hond sie verjagt.

Vorschlag zur Güte: Die Discounter sollet doch ihre grosse, nachts sowieso leer stehende Parkplätz vermiete und au s Wasser, de Strom und d` Chemo- Entsorgung billig verramsche, denn des sind die Onzige, die vu dem noch anhaltende Hype, vu dere überzogene Tourismusmodi ebbis hond.

Altbuur s Troom, de Lebenslohn

Und Bierein sait:
„Mit Nepomok und Henne- Mobil,
no wärs für mich au weng e Fraid“

Waa ?? , e Wohnmobil, bisch noo ganz bache
Dennoo mit fufzg, sechzg, sibetzg Sache
Dorch Wälderwaald, Vogese, Schwobbe
Häsch nuu no Fürtz, im Hirni dobbe

Glaubscht du ich huck in sone Karre
Des sagt der glii, des isch en Schmarre
Und wer pass uf die Hiener uff
Dass Gickel kraijet, hucket druff

Des dät der baigott scho noo passe,
Des schee verspaaret Geld verprasse
Do muensch no warte bis i gang
Denno, vu mir uus, kaansch e zweitsmol ran

Eifältgi Wohnmobil- Gaisse gihts überall
Do bruucht Altbuur au kai Moral
Sobald die merke s`goht ans Pflege
Sind die schnell fort, no häsch de Sege

Mir ischs im Hintertal all no viel lieber
„Die grosse Freiheit“, des isch e Fieber
A jedem Ecke, Waldrand daigets rum
Vor Langwiel wered die ganz dumm

De Smart, de Quad und d`Rollerli
Im Trailer, wie bei uns halt s` Vieh
Im Motorhoem de Fernseh aa,
De ALDI Wii, bis mer nimmi kaa

Kumm blos no mit me Allrad Gschier,
Mit Wüeschtereife, Sandblech, Windegschnier
Die spinne doch, die bleede Lakel
Zu dene wit du ghöre, du alte Dackel ?

De alti Sauwage baut mer um
Zu me Mobil Henne – Unikum
So kenne mer dorch Gegend reise
Im Wirtshuus noo de Hof verscheisse

So bruucht mer d`Henne nit verstelle
Wie S` Waldvogels Fidel, des han ich scho all mol welle
S` eige Spiegelei und au en Bregel
Manchmol im verkarrete Huhn sin Schlegel

Altbuur Hienerwadel, des macht Freid
Mit Unimog , Hiener , nuu zu zweit
E langi Naase de Wohnmobiliste
Mit ihrne affige, bleede Kischte

Frei nach Droste Hülshoff:

Mundart

D` Mundart isch en traute Gascht
Wo mit mir fühlt, wo mit mir lacht Isch, wenn sie nett verzelle duet
Mir au e wohri Zauberfluet
Gschichtli us mim Kopf uffstieget
Wo lang a mir no hange bliibet
Vu Kind und Kegel, Ziig und Sach
Do bliebt d` Erinnerung halt wach
Gstaalte us mim Lebe gräsle
Me mont des sei scho alls verläese ?
Gschätzti Fründ und gueti Liit
Usre z`friedne, frohe , guete Ziit