Die Menscheit isch ein Rindvieh

Was mir denkt, schreib ich auf

Umberto Ecco

“Die Menscheit isch ein Rindvieh“
Die Weisheit eines lebensklugen Mentors

Mitte Februar han ich mich zu me Gspräch über Literatur und Mundart gi Villinge in Franziskaner aagemeldet. Dem Villinger Testes han i mit em Aameldungsrodel au eweng aadiete welle, dass ich mini berufliche Lebenspflöck i de junge Doppelstadt innighaue han. 12 Johr han ich die Ehestritigkeite vu dene zwangsverhierotete Städt mitgriegt. Dem orientalische Kulturkreis werfet mir zu reacht heftig vor, dass des mit dene Zwangsehe nit so de Brecher sei. Wenns aber druff aakunt, verbozget mir des sogar bei benochberte, gegesätzliche Städt und leget die hemmungslos, gfühllos und lieblos zämet i oe Nescht.

Die erscht Baustell als frischbachene Bauigel han i uff de neu erschlossene Hammerhalde ghet. Ufftraggeber war s Städtisch Tiefbauamt. Jedesmol wenn i vu Pfaffemucke geg Villinge fahr, denk i a die folgend Lebensweisheit. So au Mitte Februar im Johr des Un- Heils 2022, am Schmutzigste aller Dunschtig, am 24.2.2022. Uff die beide uuselige Umständ, die Pandemie und den barbarische Putin- Krieg i de Ukraine, han ich im Aaschriebe kurz ännigwiese. Wiedermol isch mer die gnau passend, saftig, trocke Lebensweisheit vum Urvillinger Baumensch Hans Heuft in Sinn kumme.
Woni mi nämli s Erschtmol mit dem Bauleiter Hans Heuft troffe han uff de Hammerhalde, er de alt Haas, nei, de alt Fuchs und ich, de Bauleitungsaafänger, taxiert er mich stechend vu obe bis unne, leit sin scharfgschnittene Giacometti- Kopf wie immer eweng schreeg, sait traage, theatralisch, beschwörend, wie i me Art feierliche Initialisationsritus. Es hät nu no gfehlt, dass er si reachte segens Hand uff mi rechte Schulter gleit hät :

„ Mauz,………… eins muesch der merke, …..die Menscheit isch ein Rindvieh“.

Zwölf Johr han ich mit dem ussergwöhnlich menschliche, berufliche Mentor zämetgschafft. Später sind mir uns immer wider mol beruflich, aber au privat begegnet. Aber immer sind mir us gegesiitigem Respekt bim „Sie„ blibbe. Für s Bauwese, des will ebbis hoesse, isch des eher uuüblich.

Dass ich den Satz nie vergesse han, dass er mir immer wieder in Sinn kunnt, nit nuu, wenn i gi Villinge kumm, sonder au i andere Lebenslage, wo die knochtrocke Hans- Heuft Lebensweisheit passt, wundert mi sit her uff die oe Siite. Anderesiits aber au nit, denn sie stimmt uff de Pfennig und drum isch er mir au am uuselige 24.2.2022 spontan iigfalle.
Eme Datum, wa sich, wie 9/11, is europäisch Gedächtnis iipräge wird.

Ja so wars, und so isches mit em skurile, weise, lebenskluge Hans Heuft us Villinge.