Meh wie en Aprillescherz, en Stei i Geiselhaft 

Meh wie en Aprillescherz, en Stei i Geiselhaft 

19. März 2023 0 Von Hubert Mauz

Zum bessere verstau, weil sogar belesene Heimetkundler Gedaechnislucke zeigt hond. E eigetli ueber 200- jaehrige Dauer-Gschicht us em alemannische Sproochraum. D Amis saget treffend “running gag”:

De Unspunnestei isch en Art Kultgegestand i de Schwietz und word i uuregelmaessige Abstaend sit 1805 z Interlake vor bis zu 90 000 Feschtgaescht gstosse.

Schwinge isch en Eidgenoessische Nationalsport, en art Ringkampf, me sait au Hoselupf dezue. Au i de Bretangne kah mer im Summer so me gallische Hoselupf-Fescht begegne.
I de Schwietz wered Gschenkli uff eme “Gabetempeli” – Schemeli uusgstellt.

Die Shawne Fielding, e amerikanischs C-Model und Schauspieleri us de 90-er Johr, isch als Marylin Monroe Busewunder kurz Mol als Frau vum schrille schwietzer Botschafter z Berlin, em Thomas Bohrer, i die dietsch B-Klasse Prominenz uffgstiege.
Im Botschafter Thomas Bohrer us Basel haet die Botox-, und sit neuschtem au Dschungelqueen, d Djamilla Rowe, a Bettaffaire aadichtet. Fuer die verloge Gschicht haet die Million Franke aber, die Djamilla eigentlich gern haet welle, de Tommy Bohrer abkassiert.

Die franzoesisch schwaetzende Jura Bewohner hond scho lang us em ueberwiegend dietsch schwaezende Kanton Bern in Welsche Kanton Jura welle. Drum haet sich e separatischte Gruppe vu Jurassier bildet, die sich d “Beliers” (Widder, Schoofbock, Rammbock) gnennt hond. Bei dene haets Gmaessigte aber au Radikale und Gwalttaetige gaehe. D Unspunne Beliers waret vu de witzige, charmante Sorte.
Weil der mit Euro Sternli und ewr Johreszahl veruustaltet Ur-Unspunnestei immer no als Geisel bi de Beliers liet, isch die nett heimatkundliche Boulevard Gschicht no nit ganz fertig. Aber d Unspunne Manne hond a dem verkaibete Bolle kon begehr meh. Drum word die verunstaltet Djamilla doch nimme ihr Schemme-Gsiecht de Beliers als Uebergabebotschafteri verkaufe kinne.

En Stei als Geisel, de Storiax vum Unspunnenstei

Vorgelesen von Maria Simon

Pfiffige, gnitze iifaell zu Veraenderunge waret scho immer wirkungsvoller wie Strommaste sprenge, sich a Autobahne und Stroosse aabeppe oder gar Maensche-Aasammlunge nieder z’walze. Wer khaa sich dem Zauber vu domols entziehe, wo Berliner mit de Vorschlaghaemmer und Hebiise die verhasst Grenzmuur zemet benglet und g’spechtet hond und sich de schoenscht Abbruchbolle dehoem in e Glasvitrin gleit hond und den wie e Religvie uff langewig uffhebet. 
“Phoebe, Weste, da war icke mitte of de Mauer zu aller oberst druff, wie ne schon lange lauernde, tanzende Mauerwanze”. 

Auf der Mauer, auf der Lauer (Wikipedia)

1805 hond d Appezeller zu me eidgenoessische Aelpler Sing- und Schwingfest z Interlake im Berner Oberland uff de Festwiese unter de Unspunne Burg ihren heimische Steistoss Stei mit 82 kg mit aagschleift. Mit dem wird de staerkscht Appizeller uusguckt und verlaese, der wo beim alljaehrliche Innerrhoder Hoselupf- und Schwingfaescht den Saubolle am wiehteschte “fortruehre” khaa. So isch also die Staistooss- modi vum Appizell is Berner Oberland kumme. De Gallier Obelix haet au scho mit so Hinkelstai, so dolme, ummenand gworfe. 

Unspunnen, Alphirtenfest vom 17. August 1805 (1. Unspunnenfest); Unspunnen; Umrissradierung, koloriert von Franz Niklaus König (Wikimedia)
Unspunnenfest 1808.
Colorierte Lithographie von M. Mongin aus dem Buch: “La mémoire des Suisses – Histoire des fêtes nationales du XIIIe au XXe siècle” Catherine Santschi, p.41 (1991) (Wikimedia)

Die johreszahl 1805 isch also i den mords Bolle us Saentiskalk innigmaislet wore und me haet sich vorgnomme, mit dem Stai alli 12 johr e Unspunnefescht z’mache, wo der Unspunnestai vu de staerkschte Aelpler us em Oberland gstosse word. De Sieger macht sich uusterblich. D Schuelbuebe kennet die Unspunnesieger besser wie bei uns en Fritz Walter, Franz Beckebauer oder de Chrischtian Streich. Und der baerestark Ries, wo den Stai am wiiteschte stoosst, der gwinnt en gstrigglete, schee graenzlete, guet gwaassne Muni vu allerbeschter Zucht und Abstammung. Aber scho 1808 hond Oberlaender natierli en oegene Stoe brucht, und, natierli bodestaendig und heimetverbunde, us dem fascht uuvergaengliche Aaregranit. Aber gliich schwer wie de Appizeller Bolle muess er scho sii. Noch em 1808-er Unspunne stoosse isch der “verruumet” wore bis en Adolf Pfahrer 1905 den im veraastaltende Turnverein, schriftlich beleit, vermacht haet zum uffhebe und zum stoosse am Unspunne Fescht. Zum 100 jaehrige Jubilaeum isch denno zum “1805” au no “1905” innigmaisslet wore. Noch dem Fescht isch er wieder achtlos bei me Buur als Dangelstockstai glege. 1946 haet mern noch langem sueche vor em Fescht wieder gfunde und ihn im Schwingerverein vermacht. De Rodel vu 1905 zwischem Adolf Pfahrer und em Turnverein haet aber klar beleit, dass er halt doch de Turner ghoehrt.

Die Appenzeller brachten 1805 das Steinstossen ans Unspunnenfest. «Steinstossen im Appenzellerland», Aquarell von Gabriel Lory fils.
Unspunnenfest 1955 (Wikimedia)

Anne 1980 isch z Untersee e herzigs Tourischtikmuseum in eme historische Oberlaender Huus iigrichtet wore. Dert isch der Stai uff eme waehrschafte , stabile Gabetempel-Schemeli als Leihgabe vum Turnverein uffghebt und als Blickfang uusgstellt wore. Ganz anderi als Tourischte hond aber en begehrliche Blick uff den Granitbolle gworfe: 
D’ Béliers, die jurassische Separatischte. Aber nit die strietige Bombeleger, sondern die witzige, gnitze, phantasievolle Jurassier. 
Der Kultstai, also isch bis anne 1980 Hauptsaechlich bim Turnverein Interlake uffghebt wore. Ab und zu isch er aber au i dene Zwischejohr verscholle, als Dangelstock missbruucht wore oder au bei me Brieftraeger im Garte glege. Der boxbainig Poschtle haet en fascht nimme uussirucke welle. Und trotz allne odyseeische Irrfahrte isch er doch immer wieder ufftaucht, wenns as kultig Unspunnefescht gange isch. Trotzdem war er zmols doch eweg. Wie gsait haet mer 1808 den Appizeller Urstei us Saentiskalk us lokalopatriotische, geologische Gruend ersetzt mit eme Aaregranitbolle. So hets bliebe koenne, wenn do nit die jurassische Separatischte gsii waeret. Die franzoesisch sprechende Jurassier hond scho lang us em ueberwiegend dietsch sprechend Jura-Bernische Kanton uussi welle und in welsche Kanton Jura inni welle. Au die hond ab und zue Strommaschte, so wie die gwalttaetige Andreas Hofer Suedtiroler, i d Luft gjagt. Die uusaegliche Gwaltaktione vu de exterme Sorte Bélier waret aber uusinnig und hond stimmungsmaessig grad s Gegeteil bewirkt. So wie bei dene Fahrbahnbaepper vu de letschte Generation.

Bélier 1974.
Foto: groupebelier
Bélier 2015
Foto: groupebelier

So isch also dene gmaessigte, witzige Jurassier ebbiss g’waltfreis, charmantes, populaers und gspassigs iigfalle. Gfalle haet der witzig Protescht fascht allne Eidgenosse und natierli au iis, de benochberte Alemanne. Dene glii zweimol verdummbeitlete Unspunne Oberfeschtlatschi aber eher nit. 
1984 also hond den Unspunnestai, e art bernischs Nationalheiligtum, die Jura- separatischte us dem kleine Museumle z Untersee saparalisiert. Und sie hond selbstbewusst uussibloset , dass sie die uralt Naturgeisel erscht wieder ussirucket , wenn au de letscht Zipfel vum Berner Jura um Moutier ummi in Welschschwiezer Kanton Jura uebergaehe isch. Zaehneknirschend haet de Turnverein uffs Eidgenoessisch Sing-Schwing- und Aelplerfest anne 1986 in Sion in Ermangelung vum Original en gliich schwere Stai als Ersatz zuehaue lau messe. Noch dem Fescht isch der nochgmacht Findling aber denno wohlweislich bei de UBS in Panzerschrank verrummt wore. 

1993 tauchet zmols paar Foeteli us Bruessel uff. De echt Unspunneststai daet dae i me Wiikeller zur freundliche, friedliche Rueckgab riife. De Turnverein war vu de Originalitaet ueberzeugt und haet sich bei de Separatischte wege me Uuslieferungs begehr unterwuerfig zeigt. Anne 2000 isch sogar e Kommitee gruendet wore um de Originalstoe wieder ueberzkumme. 

Im Augst 2001 isch de Stai tatsaechlich, in e Pralinee-Papierli verpackt , vum yellow Press Knallbonbon, de Shawne Fielding, de ex vum Party- Dinner- und Boulevardkoenig vu Berlin, em schwiezer Botschafter Thomas Borer, tatsaechlich uusglieferet wore. De Thomas Borer isch desell, wo vum “Sunntigs Blick” Rusgeber, em Ringier Verlag, emol 1 Mio. Franke zuegsproche griegt haet. Die Botox C-prominent, diesell Dzamilla Rowe, haet behauptet, de Fraueversteher Borer heb mit ihre, wies im schwiezerdytsch heisst, e “Fuedlitaesch” Affaire khaa. Vor Gricht haet de Tomy aber doch bewiese koenne, dass es doch Dame giht, vor dene sogar er sich gruuset.

Noch dem erste Schreck, dere vu de giffizige Jurassier iigfaedlete und wenig waehrschafte Shawne Fielding Uebergabe-Zuemutung, isch de erzkonservative Unspunne manne de Stai grad nomol uff de Zehe ghait: 
Oh Graus, nit nuu, dass die Béliers 12 Europastern druff gmaislet hond, nai… Huresaich- gottverdelli aber au…., sogar d Johreszahl 6.12.1992 war verewigt. De gschichtshistorisch Abstimmungstag vu de Ablehnung zum Helvetische EWR beitritt. 

Sit em Unspunne 1993 isch ebbe in Ermangelung vum Urstai mit em nochgmachte 1986-er (Sion) Stai gstosse wore. Mit em us de geiselhaft entlossene “Bruessler” Urstai kah mer nit nuu us politische Gruend nimme stosse. Die jurassische Stoehauer hond naemli wege dene 12 Steaernli des Heiligtum veruustaltet und glatt u d sauber ganzi 2 kg eweg gmaisslet. Usserdem koennt mern a dene tiefe Euro Sternli mulde den stai besser grieffe. Die ganze historische Rodel und Palmares-Lischte daetet drum us em Eidgenoessische Gleichheitsprinzip alli nimme “verhebbe”. 

Im Augst 2005 aber isch der Ur-Unspunnestoe nomol saparalisiert, gmopst , klaut wore. Bei de 200-Johr Geburtstags – Sonderschau im ehrwuerdige Nobelhotel Viktoria-Jungfrau hond 4 jungi Jurassier am heaele Mittag den mit ere aageblich starke Kette, oder wars amend doch nuu e goldigs Uhrekettli? Rotzfrech den Uusgstellte Kultstai nomol klaut. Seeleruhig hebet sie ihn in e Sporttasche packt und seiet gmietlich us em Hotelallerheiligschte uussigschluerft. E Serviertochter hebs beobachtet. Aber bevor sie ihre High Heels uszoge haet und ihre livriehrte, fuellige Page alarmiert haet, waret die drohtige Béliers im Feschtgwusel verduftet. Sie hond aber e herzigs Gastgschenkli hinterlau. Zwar war des Paeckli nit wie bei de vollbusige Shawne Felding uebergab in e Pralinee Papierli iipackt , sondern, gottverdelli au des noo, i me jurassische Trachte Sacktuech iigwicklet. Es war en oefache Granit Pflaschterstai mit em Jura Wappe druffgmolet.

Am 20. August 2005 wurde der Unspunnenstein gestohlen. Die Béliers hinterliessen diesen Pflasterstein.

Wieder haet d Weltpresse ebbis zum lache, pfittere, schriebe und d Kolummne fuelle ghet. Vill hond sich vergnuegt uff d Schenkel klopft. D Dackel, die begossene Puddeli, waret aber zerscht mol die ehrwuerdige, heimetseelige Festkommitee Unspunnemanne. Dene wars zerscht meh zum blaere, wie zum lache z muet. Aber weil sie waehrschafte, wohre, selbstironische Witz hond, stellet sie zum bespasse und werbewirksam des Jura-Pflaschterstaehli im Touristikmuseum sit her uus. De Urstai isch vermutlich immer no bei de Jurassier und de Nochgmeislet vu 1986 word sither im Panzerschrank verwahrt. Weil d Region Mouthiers jetzt aber doch im kleine Kantoenli Jura debii isch, haet mer die Hoffnung, dass de Urstai noch dere endgueltige Befriedung doch wieder ufftaucht. Wa fuer e Skandsnuddel denno die Uebergab macht, wisset nuu die iigmeisslete Euro Sternli. Die witzige Béliers wered bestimmt scho d Botox Dzamilla Rowe, die us em Dschungelcamp, im Visier haa. Denno daetet d Unspunne Manne au e gschichtsstarre Ueberkumme. Mit face lifting, mit Konture Ummaisle, kennet die Jurassier sich uus. 

Wie waers wenn die Strossebaepper vu de ueberletschte Menschekinder den Stroossepflasterstai mit Jurawappe emol besichtige daetet und de pfiffig Hintersinn uusloschore daetet? 
Schwejkiade, Babischtle gifitz a la Hiefinge oder ebbe Staibolle ummodle und wegrolle: Mit Witz und Pfiff gohts halt aifach besser. 

Die beschte Straech sind immer no die, wo en Richter nit emol en gschiede Tatbestand i sine Buecher und Gsetz findet. Uebrigens haet die Auge verbunde Justitia wege Verjaehrung d Akte mit dem trollige Steiklau zuegmacht.