„Denkt man mit Hilfe von Erinnerungen, , von Anregungen über die Vergangenheit, über die früheren Epochen nach, so hat das etwas von einer poetischen Neuschöpfung dieser Zeit und von der Gedankenwelt aus dieser Zeit“
Jan McGregor , Kurator Humbold Forum
Ich wett nomol e Schuelmaildi sii
Zopfet, e Röckli und Kniestrümpf aazieh
Am Obet no a de Schelle schelle
D Liit dätes no bim Bier verzelle
Kinnt uhni zahle is Strandbad schlupfe
I de Kniebank vor mir die bleed Kuhe aastupfe
Vor de Grusige Elis dätet mer sich verstecke
Und des Schimpfwort riefe: „Du krumme Stecke“
De Rot Hans voll Wunderfitz aagucke
De Liit us em Fenschter uff de Ribel spucke
Des wet i wieder mol mache, jezt glii
Ich wett halt wiedermol e Schuelmaidli sii
Ich wett wiederrmol e Schuelmaidli sii
Im Nuu wäret d Turnschläppli hii
Fangedis und Versteckis mache
De ganz Tag johle und endlos lache
Für zeh Pfennig e Woch lang Kinder hiete
Am Samstig gi Biichte gau nochem Liite
En Film aagucke der nit jugendfrei
De Glyckher aaliege ob mer vierzehni sei
Treuherzig sage, des heb es glii
Ich wet halt wiedermol e frech Schuelmaildi sii
Us de Apethek miesst mer ebber „I-Bi– Dumm“ holle
Min Brueder tät mer denno s Fidle vesolle
Unterm Pavillion kinnt mer Schlittschuhe fahre
Und uff de Gregori gau, achtzg Pfennig verspare
No wärmer riich, mir soviell Geld
S` gäb acht NAPPO (Bäredreck), des hommer uuszellt
Au könnt mer tagelang Zehnereis schlotze
Und Karusell fahre bis mer kotze
Umsunscht gäbs no de Gregori Wecke
A de Amaliehitte kinnt mer Gutseli schlecke
A de Fasnet wärm er de Narresoome
Uff em Märt dät mer helfe de Motter bim krome
Mit de Glicker spiele unterm Schuelhof Fenschter
Und Zucker stehle us em Kochi- Kenschter
Am Scharfe Eck vu de Sunne warte
Und wenn oner kunnt z Loed graduus starte
Onre Kopf vorus in Buch inni renne
Mit weng Glick dät die dich nit kenne
Die dät sich glii beim Lehrer beklage
No dät ich und s Kamerädle sage:
Nei, nei des sind mir nit gsii
Ich wett hal nomol e Schuelmaidli sii
I de Brigach kinnt mer Staudämmli mache
Und barfiessig dappe i die gröschte Lache
Im Wasserstrahl norenne vum Spritzewage
Wa dät au do de Vatter sage ?
De Muetter weget Lumpe koe Ruh meh lau
Denno mit em Handwägeli zum Rothmund gau
Dä gäbs defür fünf Luftballoon
Oder am Gummischnürli en kitschige Clon
A d’Dunnequell kinnt mer gau
De läschtig Schuelranze inni hänke lau
De Rahme Egon dät denno johle
Der dreht sowieso allvort en Hohle
D’Storzebäbe wo Schere schlieft
Duet fierchtig gosche wenn dere mer rieft
De Rahne Gickel, de Napoleon bigoscht
De Reiser Hans froge wa sie Kappe koscht
D Signora Ferri got zum Ferii ferri
Und bringt im Patrone d Spagetti ferri
Und all die Manne und Wieber do
Mir dätet s Fuxe nit bliebe loo
Es wär zwar wiescht, aber so isch es gsii
Und trotzdem wet i wiedermol e Schuelmaidli sii
Vor em Parkvogel gattig s Fahrrad verstecke
Und im Park mit de Funzel Päärli verschrecke
Au backe, sell liess ich halt doch sii
Weil au ich e verliebt Schuelmaidli wet sii
Und trotzdem wet i uff Bäm uffiklettere
Und i d Brigach obe abi lättere
Wenn Soldätli danzet in Zeppelin spicke
Is Stadion renne wenn d FC- ler kicke
Und troome und denke wemer nuu älter wär
Erwachse sii fallt bestimmt villmol schwer
Wie war doch die Kindheit en Sunneschii
Und drum wet i wiedermol e Schuelmaildi sii
Au de Jugend- Früehling, wie war der schee
Ich Alti wet vu dem no vill, vill meh
Nach einem papierenen Speicherfund,
Autor unbekannt (verm. s Klärle Mauz?),
nachgedichtet im März 2026 von Hubert Mauz